‘O cantastorie napulitano

Fine Ottuciento a Porta Capuana

O abbascio 'a zona vecchia d' 'o mercato

Steva nu cantastorie napulitano

C' 'a gente attuorno comme a nu triato

Rinaldo in campo e Turi Giuliano

'E fatte 'e cronaca e storie 'e brigante

C' 'o cartellone o nu libbro 'mmano

Erano cunte overo strabbiliante

Ogge st'arte nn' se tramanda chiù

Pe colpa d' 'o progresso e d' 'a tivvù

Ma capeta ogne tanto ca na storia

Se conta e nn' se ne perda la memmoria

E chest'è 'a vota de 'Lo Guarracino'

E chi v' 'a conta è Stefano Serino

 Stefano Serino