Napoletanità

Dint' 'o vocabbolario nun ce stà

Ma se ne fà assaje abbuso

E tanta cosa pò significà

A siconno 'e chi è ca ne fà uso

Ma una sola è chella vera

Chella d' 'o detto antico

'A saggezza 'e nu popolo intero

Ca te cunsiglia comme 'amico

È 'a ricerca d' 'a felicità

E pure 'mmiez' 'e stiente 

Te dà 'e valore, forza e dignità

Tu vuo' sapè 'a Napoletanità?

Nun è na cosa 'e niente

È l’arte d' 'o sapé campà!

                                                     Stefano Serino