Esposito Gennaro

Chistu nomme te dà n'identità

Dice 'a rò viene e pure addò si nato

Nu marchio ca t'assegna sta città

Ca è pure 'o cunto triste d' 'o passato

 

'E lazzare e scugnizze 'mmiez' 'a via

Crisciute senza mamma e senza pate 

Ca va' a sape pe' quala scurtesia

Erano esposti  â Rota d'Annunziata

 

C'è cosa p' 'e criature assaje chiù cara

'E sentere 'o calore 'e na famiglia?

Ca doce fa pure chello ca è amaro

 

E rienchie 'o core 'e gioia e d'allerezza

Fatto ca sanno troppo buono 'e figlie

A 'o bene 'e genitore nun c'è prezzo! 

 

                                                    Stefano Serino 

Poesia napoletana

Inizia a scrivere il termine ricerca qua sopra e premi invio per iniziare la ricerca. Premi ESC per annullare.

Torna in alto